«тошкент аэропорти» тегли мақолалар
Фото: Тошкент аэропортида мушуклар учун уйлар ўрнатилди
Тошкент халқаро аэропортида мушуклар учун уйлар ўрнатилди. Экологик материаллардан йиғилган уйда иситиш ва совитиш тизимлари ўрнатилган. «Мамлакат ҳақидаги тасаввур аэропортдан бошланади ва бундай уйчалар бутун мамлакатнинг муносабати кўрсаткичидир», — дея қайд этди Uzbekistan Airports.
Тошкент аэропортида китоб дўкони, юк сақлаш хонаси ва террасада кафе ташкил этилади
Uzbekistan Airports Тошкент халқаро аэропорти ҳудудида жойлашган майдонларни ижарага бериш учун тегишли лотларни аукционга жойлаштирди. Тез кунларда пойтахт аэропортининг маҳаллий авиақатновлар терминалида китоб дўкони ташкил этилиши режалаштирилмоқда.
Тошкент аэропортида эшитиш қобилияти чекланган шахслар иш бошлади
Тошкент аэропортида илк бор эшитиш қобилияти чекланган саккиз нафар фуқаро юк аравачаси оператори сифатида иш бошлади. Uzbekistan Airports фронтлайн персоналларни имо-ишора тилига ўқитиш режалаштирилаётганини маълум қилди.
Тошкент аэропортида соғлиғи ёмонлашган аёл касалхонада вафот этди
Тошкент аэропортида 7 октябрь куни Дубайдан қайтган ўзбекистонлик аёлнинг тоби қочган. Расмий манбалар аёл соат 18:32 да «тез ёрдам» машинасида аэропортдан олиб кетилгани ҳақида хабар берди. Аёлнинг вафоти ҳақидаги ҳужжатда унинг ўлими соат 18:55 да юз бергани қайд этилган.
Тошкент аэропортининг учиб келиш залида йўловчи аёл ҳушидан кетди
Истанбул-Тошкент йўналиши бўйича пойтахт аэропортига қўнган йўловчи аёл божхона назорати пайтида соғлиғидаги муаммолар сабаб ҳушидан кетди. Унга биринчи ёрдам кўрсатилди.
Тошкент аэропортини кўчириш ҳақида 32 йил аввал қабул қилинган қарор ўз кучини йўқотади
1992 йилда қабул қилинган «Тошкент аэропортини кўчириш ҳақида»ги ҳукумат қарори 1 сентябрда ўз кучини йўқотади. Бу Вазирлар Маҳкамаси томонидан бекор қилинаётган 493 та қарордан бирида назарда тутилган. 32 йил аввал қабул қилинган ҳужжатда аэропорт пойтахтдан 45 км узоққа кўчирилиши белгиланганди.
Президент Ал-Хоразмий шаҳарчаси ва Беруний музейини реконструкция қилиш лойиҳалари билан танишди
Шавкат Мирзиёев Урганч шаҳрида Ал-Хоразмий шаҳарчаси ва университети ҳамда Қорақалпоғистоннинг Беруний тумани марказида музей қурилиши лойиҳалари тақдимоти билан танишди.
Тошкент халқаро аэропортида янги карго терминали қурилади
Тошкент халқаро аэропорти негизида янги карго терминалини қуриш режалаштирилмоқда. Натижада хизмат кўрсатиш қуввати суткасига 70 тоннадан 300 тоннага етади. Uzbekistan Airports раҳбари Жавлонбек Умархўжаевнинг айтишича, ҳозирги терминал сифатли ва вақтида хизмат кўрсатиш имконини бермаяпти.
Тошкент аэропорти фаолияти қалин туман сабаб вақтинча чекланди
Пайшанба тонгидаги қалин туман Тошкент аэропорти фаолиятини чеклаб қўйди. Бир қанча рейслар Самарқанд, Фарғона, Намангандаги муқобил аэродромларга йўналтирилди. Uzbekistan Airways авиакомпанияси парвозлар кечикиб амалга оширилишини маълум қилди.
Тошкент аэропортида автобус Airbus 320 самолёти билан тўқнашди
Тошкент аэропортида автобус Airbus 320 йўловчи лайнери билан тўқнашди ва самолётнинг тумшуқ қисмига шикаст етди. Ҳодисага автобус ҳайдовчисининг аэродром ҳудудида ҳаракатланиш қоидаларини бузгани сабаб бўлган. Ҳаво кемасига эртаси куни парвозларга рухсат берилган.
Тошкент аэропорти олдида 62 метрли Ўзбекистон байроғи ўрнатилди
Тошкент халқаро аэропортига етиб келганларни эндиликда баландлиги 62 м бўлган Ўзбекистон байроғи кутиб олади, унинг атрофида 38 та кичикроқ байроқ ўрнатилган. Улар шаҳарда ўтказилаётган тадбирлар ва хорижий делегацияларнинг ташрифларига қараб ўзгаради.
Тошкент аэропорти эстакадасида белгиланган вақтдан кўп турган машиналарга жарима ёзилади
1 ноябрдан Тошкент аэропорти эстакадасида белгиланган вақт (енгил автомобиллар 5 дақиқа, туристик автобус ва микроавтобуслар 10 дақиқа)дан кўп турган машиналарга жарима ёзилади. Жарима сариқ чизиқда тўхтаган ҳайдовчиларга ҳам белгиланади.
Тошкент аэропортининг маҳаллий терминалига автомобиллар киришига рухсат берилди
Тошкент аэропортининг маҳаллий терминали олдидаги ҳудуд реконструкциядан сўнг қайта очилди. Илк бор барча автомобилларга қисқа муддат — 10 дақиқагача — терминал ҳудудига киришга рухсат берилди. Кутиб олувчиларга шароит яратилиши ёки йўқлиги ва реконструкцияга муҳтож автотураргоҳ тақдири очиқланмади.
Тошкент аэропорти шаҳар подстанциясидаги авария туфайли электрдан вақтинча узилиб қолди
Шаҳар подстанциясида авария рўй бергани ортидан Тошкент аэропортида қисқа вақтга электр таъминотида узилиш бўлди. Бу парвозларни таъминловчи объектлар таъминотига таъсир қилмади. Парвозларда кечикиш кузатилмади. 15 дақиқа ичида қувват тикланди.
Тошкент аэропортида янги такси хизматлари фаолияти йўлга қўйилади
Uzbekistan Airports Тошкент аэропорти учун яна учта такси операторини жалб қилмоқчи — халқаро терминалнинг умумий зали ва CIP-зал ҳамда маҳаллий терминал учун. Ҳозирда халқаро терминалнинг учиб келиш залига биргина аэропорт такси оператори хизмат кўрсатмоқда.
Тошкент аэропорти яқинидаги кўприк реконструкцияси 2024 йил охирида тугайди
Тошкент аэропорти олдидаги йўл ўтказгични реконструкция қилиш ишлари 2024 йил охиригача якунланиши режалаштирилган. У кенгайтирилади, Кичик ҳалқа йўлига кириш ва чиқиш йўллари, велосипед йўлаклари ташкил этилади. Лойиҳанинг умумий қиймати бўйича маълумот берилмаган.
Теҳрондан Пекинга учаётган самолёт Тошкент аэропортига фавқулодда қўнди
Mahan Air авиакомпаниясининг Теҳрондан Пекинга учаётган самолёти Тошкентга фавқулодда қўнди. Бунга йўловчининг юрак хуружига учрагани сабаб бўлди. У тиббий муассасага ётқизилган.
Шарм аш-Шайх-Тошкент рейси 10 соатдан ортиқ кечиктирилди
Air Cairo авиакомпаниясининг Шарм аш-Шайхдан Тошкентга чоршанба куни белгиланган парвози об-ҳаво шароити туфайли 10 соатдан ортиқ кечиктирилди. 200 нафардан зиёд йўловчи Тошкент вақти билан соат 15:00 да жўнаб кетишни кутмоқда.
Тошкент аэропортида меҳмонхона очилади. Фото
Тошкент аэропортида шарқона кўринишдаги меҳмонхона очилади. Унга ташриф буюрувчилар учун маълумот таблоси, ҳаммом ва душ хонаси тақдим этилади, қабулхона кечаю кундуз ишлайди ва ҳар бир йўловчига самолётга чиқиш учун индивидуал таклифнома тақдим этилади.
Деҳлидан Москвага учаётган самолёт Тошкент аэропортига фавқулодда қўнди
«Аэрофлот» авиакомпаниясининг Деҳлидан Москвага учаётган самолёти Тошкентга фавқулодда қўнди. Бунга аппендицит хуружига учраган Ҳиндистон фуқароси сабаб бўлган. У тиббий муассасага ётқизилган.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг